Video
Read full review
2024-03-31
398 views
今次黎到深水埗做野順便食lunch，深水埗就多平民野食，門口睇餐牌見呢間都ok就入去食啦😗越式小食拼盤 （$138）（米紙春卷、蝦餅、扎肉、雞翼、豬頸肉）呢個小食拼盤有齊曬我鍾意食既嘢，好豐富，每款小食都配上唔同既醬汁，其中豬頸肉比較特別，一般都係用燒既，呢個係炸既，口感完全唔同，幾好食🐷惹味麻辣魚皮（跟餐+$18）估唔到呢間餐廳有呢個小食，魚皮幾爽脆😋和牛湯唐生菜（跟餐+$18）睇餐廳名就知呢度既湯係主打食物，有別一般上湯味，用牛湯浸菜更好食🥬廚師推介口水雞飯（$62）雞肉好嫩滑配上秘製辣醬十分惹味，撈飯都好好食，呢度既口水雞醬唔會好似平時D口水汁油淋淋，米飯口感似珍珠米，軟硬度適中🐥越湯生牛肉湯河（$48）雙拼手打牛丸（+$15）另外梗係要點番個同餐廳名有關係既湯粉，生牛肉湯河就係我鐘意食既越南菜，個湯同生菜同款，都係出色，飲到啖啖牛肉味，牛肉質素唔會韌，手打牛丸食落有爆汁feel，成件事好滿意🐮午餐時間叫任何主食都會送熱飲，呢度既湯係好味，小食拼盤都用心整，價錢都係正常價，對越式食物有興趣都係幾好既選擇😄
越式小食拼盤 （$138）
（米紙春卷、蝦餅、扎肉、雞翼、豬頸肉）
呢個小食拼盤有齊曬我鍾意食既嘢，好豐富，每款小食都配上唔同既醬汁，其中豬頸肉比較特別，一般都係用燒既，呢個係炸既，口感完全唔同，幾好食🐷
惹味麻辣魚皮（跟餐+$18）
估唔到呢間餐廳有呢個小食，魚皮幾爽脆😋
和牛湯唐生菜（跟餐+$18）
睇餐廳名就知呢度既湯係主打食物，有別一般上湯味，用牛湯浸菜更好食🥬
廚師推介口水雞飯（$62）
雞肉好嫩滑配上秘製辣醬十分惹味，撈飯都好好食，呢度既口水雞醬唔會好似平時D口水汁油淋淋，米飯口感似珍珠米，軟硬度適中🐥
越湯生牛肉湯河（$48）
雙拼手打牛丸（+$15）
另外梗係要點番個同餐廳名有關係既湯粉，生牛肉湯河就係我鐘意食既越南菜，個湯同生菜同款，都係出色，飲到啖啖牛肉味，牛肉質素唔會韌，手打牛丸食落有爆汁feel，成件事好滿意🐮
午餐時間叫任何主食都會送熱飲，呢度既湯係好味，小食拼盤都用心整，價錢都係正常價，對越式食物有興趣都係幾好既選擇😄
Post
