甜記餃子 (Moved) New Location

又係甜記啦😂 今次去返長沙灣店食，佢哋6月會搬去麗新商場呀，應該會大間啲！平日6點幾嚟到甜記已經要等位，真係好受歡迎！今次想主食湯餃，仲第一次叫咗小食。隻拼湯餃10隻 $46 配茄湯🥬西洋菜豬肉餃朋友話甜記嘅西洋菜餃最好食！印象中好似無食過呢隻味，所以今次都叫咗嚟試下！西洋菜味都幾濃幾鮮味，菜比肉多，成粒餃子都好飽滿，皮又唔會太厚，配埋茄湯好鮮味好好食！🥬菜芯豬肉餃第一次食菜芯餃，明顯見到菜芯粒同葉，好多菜好健康😂 比起西洋菜餃，應該更多人易接受菜芯嘅味道！但我鍾意西洋菜餃多啲，口感更軟綿。🎃南瓜忌廉雞肉餃呢隻味係每次必食架！超多南瓜蓉，軟綿綿嘅口感，好正！🥬韮黃雞肉餃韮黃又係比較少見嘅味道，同雞肉餡撈埋一齊，唔會好大韮黃味呀，想試新味道可以揀呢款。🥢醉豬手 $50落完單就聽到豬手停😂 睇嚟都多人食！豬手唔算好濃酒味，有嚼勁，都算係一個唔錯嘅小食，酒味濃啲就更好！🥤洛神花茶 $10上次飲咗豆漿，今次試下洛神花茶。味道酸酸甜甜，都幾開胃，不錯。甜記餃子真係好好食，無比較無傷害😂 大隻足料，湯又好飲，仲有超好食嘅辣菜脯！10分推薦！