ZAN CHEE (新城市廣場一期) (Closed)

新城市廣場開左呢間韓國菜外賣店都一陣子，之前見佢長期排長龍所以一直都無機會試，最近見佢嘅人龍開始無咁誇張，於是就買返屋企做晚飯試下！我同家人一向都鍾意食韓式飯卷，因為餡料夠多而且色彩鮮艷賣相好靚，今次我地一口氣買了兩條飯卷，分別係炸蝦飯卷($55)同鯷魚飯卷($45)。首先每條嘅分量都唔少，分別都有10件飯卷，一人一盒做晚餐已經夠晒，仲要係四五十蚊嘅價錢相當合理。另外，我地拎返屋企到食得都隔左半小時，炸蝦食落意外地仲保持脆口，唔會因為合上蓋放置得耐而變冧。加上用料十足而新鮮，青瓜黃蘿蔔食落依然爽脆，饀料多過飯，係營養豐富又健康好味嘅一餐，值得再回頭！