DKLM Bar & Restaurant (Closed)

今日中午同朋友嚟到尖沙咀一間酒吧食飯同傾吓計，我哋都唔係好酒嘅人，不過諗住中午應該少啲人流，傾計會自在啲🤣 再加上呢度中午有六折優惠，好吸引呀.中午嘅陽光令到餐廳嘅光線好舒服，即使係偏暗嘅裝修，都唔會令人有種昏昏欲睡嘅感覺。呢度仲有好多部電視，係睇波嘅好地方！·嘢食方面我哋嗌左個〈青口鮮蜆茄汁意粉〉，海鮮正常餐廳水準，不過份量幾多，抵讚！另外個意粉醬好好味，酸酸甜甜之餘都有啲海鮮嘅香味，食到停唔到口！.〈蜜糖香燒雞翼〉落咗少少孜然粉，夠晒惹味.〈迷你安格斯牛肉漢堡伴車打芝士及松露薯條〉平時聚會想share嘢食都好懶得嗌burger，因為share起嚟都幾論盡🤣，呢度嘅burger細細個就啱啱好❤️ 漢堡扒唔會太乾，配埋蕃茄同生菜，雖然聽落普通，但其實味道都唔錯～ 薯條新鮮炸起熱辣辣，整體黎講都係一個幾抵食嘅party食物！·〈德國酥脆鹹豬手〉一如其名，真係整得幾酥脆，但係略嫌空口食會鹹咗少少，相信如果配埋酒或者其他飲品就啱啱好～·〈四色芝士薄餅〉係薄批Pizza，個批底好似烘脆嘅麵包咁，所以同豐富嘅芝士好match！