鉄皇子小賣所 (Moved) New Location

元朗都有平價鐵板燒，而且係即叫即整! 今日去元朗搵野食個陣，經過見到間可以立食或者外賣既鐵板燒，主要係食丼飯。今次就簡左外賣，等候時間就見到師傅即場整! 牛肉薄燒沙律師傅係我地面前炒緊牛肉既時候，已經聞到好香! 朋友唔想太heavy，簡左沙律底，牛肉炒過之後好香，好惹味，再配埋清新既沙律，食一個好岩食既brunch。鐵板鰻魚丼鰻魚好厚肉，而且師傅係用火槍咁灸燒，所以燒出黎好香口。原來連個汁都係即場炒埋，唔係現成既燒汁，感覺有誠意好多。呢到既丼飯價錢一般係大約$60-70一個，以鐵板燒黎講，係好抵食。而且值得一提係外賣的話，佢地仲準備保溫袋，所以番到屋企都仲有餘溫，呢排天氣凍都唔怕!