小火焰韓式咖啡廳 (金山樓) (Closed)

今日專登嚟大圍覓食，發現一間抵食韓國餐廳小火焰。難得去到唔駛等位座位闊落，餐廳採用QR code下單，夠晒方便快捷。我哋叫lunch set泡菜雞肉拌飯，拌飯有韓國蔬菜，更加美味可口，燒雞嫩滑多汁，追加左兩款小食，忌廉蟹肉餅同芝士炸雞，兩款小食都係新鮮炸起熱辣辣，十分香脆。另一款要咗韓國水冷麵，原來水冷麵係好似蕎麥麵咁但較煙煙韌韌，食落好有口感。上菜時更加用冰水盛載，保持冷感。套餐包括兩杯飲品要咗紅棗茶同柚子茶。食完之後當然要叫個甜品作結，芝士蛋糕都充滿芝味，配搭上雪糕一齊食，有另一番驚喜。整體價錢親民平均套餐$100內，食物質素高，屬於大圍入面CP值高的餐廳。