HAHA CHICKEN 하하치킨 (西九龍中心)

Open Now

Now Closed

呢排西九美食廣場好似多咗唔同種類嘅野食可以揀，今次同友人揀咗間小店試個韓式炸雞。揀左個雙人滋味A，套餐有半份炸雞，大薯條，同兩罐汽水。🍗韓式炸雞(半份)炸雞原來都有好多種味道(有辣或不辣)可以揀。而店員就推薦咗最多人揀嘅「芝士」味。打開個盒可以見到炸雞外層全部都黏滿包滿咗大量芝士粉，每一啖入口都充滿住芝士味。而入面嘅雞肉雖然未去到滴汁，但都算非常嫩口滑溜，就算係雞胸肉都唔算「柴」。份量都真心多～ 真心抵食～ 真心有驚喜🍟脆薯條(大)熱辣辣上枱，應該係新鮮即炸嘅粗薯條，上面仲灑滿好多紫菜碎～ 唔使點茄汁都已經夠味