Video
Read full review
2023-05-22
786 views
早排係 FB 彈出D韓燒廣告，好鬼吸引攪到韓燒引起，但廣告上嘅餐廳係油塘地點較遠，於是搵吓鄰近有咩韓燒餐廳.其實屋企都有韓燒板，玩過幾次，次次食完女友小熊都嗌肚痛，但佢出街燒又無事喎! 都唔知點解?可能佢要韓燒 + 錢燒先唔痛! 燒就緊係我D錢啦!隔離紅磡雖然有韓燒但泊電單車困難，黃埔更加係鎖車黑點! 搵吓搵吓就搵到新浦崗一韓燒，係 Mikiki 入面，對面就有大大個電單車骨位，而且易搵位得多，咁就 Book 位開車去.自問仍然停留係恐龍時代，去一韓燒開餐已經可以用手機Apps訂位而且佢地只收電子貨幣，先進到我都唔多識，搵女友小熊攪!一入店舖見到右邊有一排一人獨立位，哩個設計係D韓燒少見，咁就啱哂D獨獨嚟幫襯.小熊點咗份1號餐，韓式菜包黑毛豬五花，原因係佢話被 Menu 上 "飽住瘦身" 哩四個字吸引，仲有價錢唔貴幾十蚊有交易! 好過漢和又加價仲要收加一!我再點牛仔骨，韓式牛肉餅，豬肉餅同豬大腸，幾十蚊幾十蚊落單好抵好化算!五花腩切得比較薄而且爐夠猛所以好快熟，要小心睇火，第一次燒牛仔骨時無處理過就放入過爐，感覺唔多入味，第二轉再燒時先用淋上燒汁，再用個夾篤吓件牛仔骨，篤至肉質鬆散先至
其實屋企都有韓燒板，玩過幾次，次次食完女友小熊都嗌肚痛，但佢出街燒又無事喎! 都唔知點解?
可能佢要韓燒 + 錢燒先唔痛! 燒就緊係我D錢啦!
隔離紅磡雖然有韓燒但泊電單車困難，黃埔更加係鎖車黑點! 搵吓搵吓就搵到新浦崗一韓燒，係 Mikiki 入面，對面就有大大個電單車骨位，而且易搵位得多，咁就 Book 位開車去.
自問仍然停留係恐龍時代，去一韓燒開餐已經可以用手機Apps訂位而且佢地只收電子貨幣，先進到我都唔多識，搵女友小熊攪!
一入店舖見到右邊有一排一人獨立位，哩個設計係D韓燒少見，咁就啱哂D獨獨嚟幫襯.
小熊點咗份1號餐，韓式菜包黑毛豬五花，原因係佢話被 Menu 上 "飽住瘦身" 哩四個字吸引，仲有價錢唔貴幾十蚊有交易! 好過漢和又加價仲要收加一!
我再點牛仔骨，韓式牛肉餅，豬肉餅同豬大腸，幾十蚊幾十蚊落單好抵好化算!
五花腩切得比較薄而且爐夠猛所以好快熟，要小心睇火，第一次燒牛仔骨時無處理過就放入過爐，感覺唔多入味，第二轉再燒時先用淋上燒汁，再用個夾篤吓件牛仔骨，篤至肉質鬆散先至燒，口感同味道正好多！
牛肉餅同豬肉餅好奇怪，燒果時完全無散開，但入口又好鬆軟 Juicy.
一韓燒仲有個賣點係飲品，我地點咗荔枝梳打同梳打，用倒插擺放方法，好鬼有台型！原本無打算叫咖啡，隔離枱叫咗一杯外相好吸引，於是我地又點一杯朱古力咖啡，味道又濃又夠甜 （Apps 落單時可以揀多甜少甜多冰少冰).
食完之後問小熊個肚有無痛，佢話個肚只係好脤無痛，但我部電單車被人搬攪到刮花! 心痛!
~~>_<~~
Post
