Lemongrass (Closed)

Lemongrass 開咗一段時間，相信有不少人係呢度既fans!! 行過見到有原隻龍蝦做緊價惠 ($98) 原價$198，仲可以揀要咸蛋黃炒，配埋酥餅實冇得輸。龍蝦食落都幾鮮甜，但煮得有點兒太耐，食落係煙韌多過爽口🙈 酥餅點埋咸蛋黃簡直係邪惡，食落沙沙地既蛋黃醬都幾惹味。無骨海南雞摻摻喇沙 ($94) 呢度既海南雞食落係幾嫩滑既🤤點埋黑豉油真係好正！！喇沙帶點微辣，椰汁味都幾重，入面仲有油麵同米粉，吸收哂啲湯好好味👍🏻咸魚炒椰菜苗 ($84)又係我最鐘意既菜😆 食過就翻唔到轉頭，超爽脆，炒香埋就更加正🙈