明明車仔麵專門店 (軒尼詩道) (Moved) New Location

今日醒起自己係klook有價值$20既分要用，決定係呢間明明車仔麵用左黎買張自選四送車仔麵coupon,包飲品先$43，減左$20先$23。咁就搞掂一餐午餐，抵。呢度裝修係老香港風格，但係座位唔多，如果平日中午多人嘅話應該都幾逼的。因為我係星期六中午去，所以人唔多，落左單之後2分鐘已經上到菜。呢度配料幾多款揀，劃一收費$10一款，菜、肉同價。既然價錢一樣理應係叫多啲肉類嘅，但係呢排食得咁多嘢，決定一丸兩肉一菜，所以叫咗一份通菜、蟹籽丸、豬軟骨、牛腩。湯底揀左清湯。麵底要左米粉。夠曬大碗，足料，食完一定夠飽。