馬六

Open Now

Now Closed

襯下午茶時段過黎試下粉嶺呢間新曹開的馬來西亞餐廳，環境乾淨企理。叫左個大蝦喇沙米線，喇沙湯底好濃郁，蝦仲係剝左殼，入面仲有豆卜等等，除左米線，仲可以簡摻摻，一於下次試下先! 下午茶時段加個馬拉盞通菜都係$20幾蚊咋，好抵! 通菜好惹味，好想配飯食。食馬拉野，我每次都會叫咖央多士，呢到同樣出色，多士脆卜卜，入面係鮮油，記住襯熱食先好食! 野飲叫左椰青同埋美淥哥斯拉。美淥哥斯拉超濃朱古力味呀!上面仲有D朱古力味脆脆，好好飲!