船皇 (謝斐道) (Closed)

呢間係位於銅鑼灣謝斐道地下嘅泰式餐廳🇹🇭。湯底配方用上牛骨、豬血、斑蘭葉、枸杞、刺芹等熬成。舖頭主打特色泰式菜，有唔同嘅set, 有車仔麵、船麵⚓️、小食、主食。餐廳亦提供傳統泰式飲品同特飲，例如泰仔奶茶、龍眼冰、菠蘿冰、紅豆冰等🍧🥤🧃。.《船皇湯麵》🥘 $58成個面豬牛雞都有🫶🏼 最齊全🤤 分別有：牛腩、牛肉片、牛肉丸、雞絲、雞翼、豬肉、豬肉丸、豬潤等。雞肉幾嫰滑新鮮，肉丸彈牙，材料新鮮👍🏻 每樣餸都算幾多。《雞翼雞絲湯麵》🍲 $48配蛋麵，雞翼有成三隻，雞絲份量亦都好多，湯底濃郁。船麵配上泰國空運到港炸豬皮，簡單滋味，滿足。《升級串燒》🍢$68超過20款串燒可以任叫，限時60分鐘😍 比呢個價錢食到呢個串燒放題好抵🈹！每人有一塊西冷牛！有肉類、蔬果類、海鮮等！例如燒豬大腸、牛舌、牛柳粒、菠蘿、茄子😋 每串都多汁，好入味。另外值得一讚嘅係上菜快👏🏻🕗 服務態度好👍🏻《泰式紅豆冰》🥤🧉 $21粒粒紅豆冰！配香濃椰汁同冰，好refreshing，又唔太甜。《泰式菠蘿冰》🍍 $21稍為偏淡，重味啲會再好飲啲，有菠蘿粒咬下😋