Video
Read full review
2024-08-02
382 views
上星期同朋友約左出旺角食串燒, 旺角區真係比較難搵，經過見到呢間串燒店，心血來潮就入咗去餐廳已經坐滿一半人, 每張枱上方都掛左面紙, 非常方便串燒價錢比想像中平, 我地都叫左好多樣野一齊食粗店涼麵食落酸酸辣辣，有花生脆米係面頭, 拌勻後食每條麵都掛滿個辣汁, 麵質爽彈, 愈食愈過癮錫紙焗娃娃菜娃娃菜用左好香濃既蒜汁湯浸住左, 入口夠哂軟身又入味, 底層仲要有粉絲, 粉絲吸哂湯汁咁食好正!蒜蓉烤原條茄子賣相一般既茄子, 估唔到有驚喜, 面頭既蒜蓉夠哂濃郁, 茄子烤得剛好, 好容易就夾得起茄子肉, 條條分明, 入口即溶, 調味恰好又惹味, 唔會蓋過左茄子肉本身既甜味日本諸城雞腎及烤美國牛肩肉牛肩肉一份有五串, 雖然串燒唔算份量多同唔大串, 但勝在本身串燒肉調味做得好好, 基本上用鹽燒已經好夠味, 唔洗額外再落孜然粉吊味, 肉質口感適中, 仲有少少肉汁, 唔會話乾哂柴咁烤爆汁五花肉比較多肥膏位, 我自己比較怕食太肥, 不過油香幾出, 如果愛食肥膏豬肉既人就會鍾意!烤雞翼調味同樣剛剛好, 外皮惹味帶少許脆, 燒完仲有少許肉汁鎖係中間, 食到仲有少少嫩滑雞肉, 好味鐵鍋煮卜卜蜆 香辣味全晚最驚喜
餐廳已經坐滿一半人, 每張枱上方都掛左面紙, 非常方便
串燒價錢比想像中平, 我地都叫左好多樣野一齊食
粗店涼麵
食落酸酸辣辣，有花生脆米係面頭, 拌勻後食每條麵都掛滿個辣汁, 麵質爽彈, 愈食愈過癮
錫紙焗娃娃菜
娃娃菜用左好香濃既蒜汁湯浸住左, 入口夠哂軟身又入味, 底層仲要有粉絲, 粉絲吸哂湯汁咁食好正!
蒜蓉烤原條茄子
賣相一般既茄子, 估唔到有驚喜, 面頭既蒜蓉夠哂濃郁, 茄子烤得剛好, 好容易就夾得起茄子肉, 條條分明, 入口即溶, 調味恰好又惹味, 唔會蓋過左茄子肉本身既甜味
日本諸城雞腎及烤美國牛肩肉
牛肩肉一份有五串, 雖然串燒唔算份量多同唔大串, 但勝在本身串燒肉調味做得好好, 基本上用鹽燒已經好夠味, 唔洗額外再落孜然粉吊味, 肉質口感適中, 仲有少少肉汁, 唔會話乾哂柴咁
烤爆汁五花肉
比較多肥膏位, 我自己比較怕食太肥, 不過油香幾出, 如果愛食肥膏豬肉既人就會鍾意!
烤雞翼調味同樣剛剛好, 外皮惹味帶少許脆, 燒完仲有少許肉汁鎖係中間, 食到仲有少少嫩滑雞肉, 好味
鐵鍋煮卜卜蜆 香辣味
全晚最驚喜係依個卜卜蜆鐵鍋, 除左大大隻蜆之外, 仲有豆卜同粉絲一齊淆煮, 滾到咁上下, 就可以先食蜆肉, 隻隻都肥美肉厚夠哂甜, 重點係無沙, 入面再掛滿香辣湯汁, 超正, 完全停唔到口, 豆卜同粉絲真係無得輸, 掛哂個湯汁咁食非常美味, 個人私心推薦!!
焦糖鮮菠蘿
真心有少少失望, 搽上焦糖後但掛唔到個甜味係菠蘿上面, 好似變左焦糖汁, 但真係食得出係鮮菠蘿, 但如果可以做到外皮脆口焦糖就更加好了
Post
