Video
Read full review
2023-08-08
213 views
同大少出天后訂埋未買到嘅書，行過見到一間新開嘅小籠包店，所以就入去食個午餐啦雖然地方唔大，不過都係坐得舒服嘅，係冷氣就有啲凍(可能係新開冷氣超強啦..哈哈)。除左小籠包之外，佢地嘅菜式都有好多，有手工點心、湯麵、砂鍋、水煮同埋小炒等，而且仲係即叫即製添。 先嚟兩杯解渴解暑嘅咸檸七同青檸梳打大少至愛嘅 招牌小籠包 ，皮薄之餘個肉餡都嫩滑多汁，熱呼呼咁食真係覺得份外鮮味。然後就有 香煎鍋貼 ，我地手機落單可以選擇煎香啲，咁佢又真係煎得好香，脆脆嘅外皮包住很多肉汁，大少都話好味~再嚟一碗 紅燒牛肉湯拉麵，拉麵好彈牙，個湯底都唔錯，唔係啲味精湯食完會超口渴嘅。牛肉都好軟稔入味上海春卷係大少話要食，完全冇諗過係咁大條，不過佢又真係炸得好好食，脆卜卜嘅外層入面又有好配料，而且佢又唔會炸得好油，所以密密食都真係唔覺飽呀。我就嚟一碗 蝦仁酸辣湯，酸辣湯個味道剛剛好，唔會太酸或者太辣，而且入面有木耳、豆腐乾等配料，飲完好開胃呢。雞絲粉皮個份量好足料，雞絲都好幼滑，所以唔覺唔覺都俾我成碟ko晒。特別一題個麻醬係可以選擇另上，咁就可以因應自己口味嚟沾醬，值得加分。雖然都真係好飽，不過都係要食埋個豆沙鍋餅先滿
雖然地方唔大，不過都係坐得舒服嘅，係冷氣就有啲凍(可能係新開冷氣超強啦..哈哈)。
除左小籠包之外，佢地嘅菜式都有好多，有手工點心、湯麵、砂鍋、水煮同埋小炒等，而且仲係即叫即製添。
先嚟兩杯解渴解暑嘅咸檸七同青檸梳打
大少至愛嘅 招牌小籠包 ，皮薄之餘個肉餡都嫩滑多汁，熱呼呼咁食真係覺得份外鮮味。
然後就有 香煎鍋貼 ，我地手機落單可以選擇煎香啲，咁佢又真係煎得好香，脆脆嘅外皮包住很多肉汁，大少都話好味~
再嚟一碗 紅燒牛肉湯拉麵，拉麵好彈牙，個湯底都唔錯，唔係啲味精湯食完會超口渴嘅。牛肉都好軟稔入味
上海春卷係大少話要食，完全冇諗過係咁大條，不過佢又真係炸得好好食，脆卜卜嘅外層入面又有好配料，而且佢又唔會炸得好油，所以密密食都真係唔覺飽呀。
我就嚟一碗 蝦仁酸辣湯，酸辣湯個味道剛剛好，唔會太酸或者太辣，而且入面有木耳、豆腐乾等配料，飲完好開胃呢。
雞絲粉皮個份量好足料，雞絲都好幼滑，所以唔覺唔覺都俾我成碟ko晒。特別一題個麻醬係可以選擇另上，咁就可以因應自己口味嚟沾醬，值得加分。
雖然都真係好飽，不過都係要食埋個豆沙鍋餅先滿足。窩餅皮脆卜卜加埋入面滿滿嘅豆沙，外脆內軟香甜軟糯，真係覺得好好食呀
Post
