添福小食 (Closed)

好想試呢間漢堡好耐，但唔係住附近，小店又冇堂食位，所以一直未試，今日咁啱經過一於買黎食。呢個價錢真係冇得輸，一個漢堡包都只係$26。由於係外賣店，我地去左附近球場食，包裝好整齊乾淨，薯條係我鐘意的粗薯，外脆內軟好好味。雖說係巨無霸，但其實唔係好大個，不過$26呢個size我好ok!!生菜好新鮮，牛有好香濃的黑椒味，好軟但有少少筋同埋有啲啲鬆散，塊牛其實幾厚幾juicy，相當唔錯，係個包冇咩特別。相當輕易就可以食左一個漢堡，一啲都唔會漏。