鼎豐雞煲泰國菜 (Closed)

秋風起，最啱打邊爐或者食雞煲。見呢幾日返風凍咗好多，喺金魚街買完寵物野就同朋友一齊食個麻辣雞煲暖下身子。見呢度幾就腳，卡位又大又闊落。就唔諗咁多入黎會一會佢。招牌雞煲(半隻，少辣) ： 侍應姐姐即快炒成分鐘，令到香氣四溢。份量都幾多，雞件唔會斬得好碎／細件。雞肉食落都嫩滑，醬汁麻中帶辣混合埋花椒八角嘅香味又唔嗆鼻，十分惹味。雞煲除咗主角嘅雞肉，配料如干蔥／芫茜／洋蔥等，經過炆煮都變得軟腍入味，味道唔比雞肉遜色。原隻椰青冬陰公湯： 一上枱就捧黎兩大碗仲以為送錯咗，侍應姐姐解釋係因為個冬陰公湯份量太多，一個椰青裝唔晒。湯底酸／辣／甜／咸平衡得幾好，而且又夠香。啱晒依家濕凍天氣，飲完作身暖笠笠。入面材料都好多，基本嘅大蝦／菇／香茅／蕃茄／辣椒等等之外，仲將椰水／椰青肉都刨咗入去熬湯，所以飲落隱約食得出椰子嘅香甜。香葉肉碎炒飯：有靚湯當然要配個靚飯一齊食啦。肉碎炒飯雖然簡單，但炒得夠乾身同香就一啲都唔容易。加上切碎嘅辣椒同香葉，令到炒飯更惹味。絕對係水準之上。配埋冬陰公湯，真係飽到上心口，啱晒放工過黎鬆一鬆。埋單時仲有個椰汁西米糕，清香之餘帶點甜，完全係解辣首選。侍應姐姐見我地鐘意食，仲俾埋另