18樓雞煲火鍋專門店

Open Now

Now Closed

之前聽人講用雞煲打邊爐都幾好味，於是約左個舊同事去左間出名既18樓雞煲火鍋專門店聚舊。呢間野當然係18樓，地方算大而且很整潔，地面沒有黐黐笠笠。我地選了個$208套餐，雞煲很快就上枱，侍應會幫你攪勻啲雞，煮2分鐘就食得。的雞的確又滑又入味，唔使點醬油都好好食。呢度啲嘢飲任飲，除咗一般嘅汽水之外，仲有一杯杯自家製嘅冬瓜茶。我哋做叫左雪花肥牛、聖子、大蝦、蟹棒、鯇魚片。啲肥牛又薄又鬆軟，聖子雖然係細細隻但係好爽口，鯇魚片新鮮唔多魚骨，當然唔少得邪惡嘅豬大腸。呢餐真係好滿足，食到飽飽！最衰揸了車，如果唔係啤一啤仲爽！