加藤屋 (元州街) (Closed)

一直都係加藤屋嘅常客，欣賞佢哋嘅丼飯、鍋物做得好出色，日式牛丼不淨係過江龍嘅世界，本地薑都一樣有驚喜~🐮 麻辣牛肉飯 $39加藤屋獨創牛肉飯口味，加上老闆精心研究嘅「秘製麻辣醬汁」，食落辣度一啲都唔搶，唔會死辣亦唔會死咸，有辣度選擇：小辣、中辣、大辣、特辣(+$1)，而且牛肉肥瘦均衡，唔會太肥太碎，配上珍珠米，叫咗小辣，味道唔會好辣，辣味有吊味嘅功用，整體味道唔錯。📌 想試上癮級嘅麻辣香味，$39即可體驗（全線分店$39，慈雲山分店因結業所以沒有參與計劃）體驗祭日期: 即日3月20日至4月30日🥔 脆炸旋瘋薯棒+$12食落外脆內軟，趁熱食更好味，而且當串燒食好方便，如果加上調味粉會更加好食。🥔 南瓜薯餅 +$10外皮炸得幾香脆， 而且內餡充滿南瓜薯蓉，滿滿嘅南瓜味，唔會太粉，亦唔會太黏，味道甜甜地幾好味。