雲蝶 (Closed)

軟殼蟹黑松露野菌忌廉意粉 $72都幾足料，好多菇同埋有原隻軟殼蟹，炸到香口酥脆而唔油膩，忌廉醬creamy，加埋蟹籽更加有口感。酥炸軟殼蟹多士配自己秘醬 $52都係有原隻軟殼蟹，軟殼蟹同洋蔥圈都係剛剛炸起，夠熱夠脆。三文治嘅方包有烘底，仲加咗蜜糖，甜甜地又脆味道唔錯，但係拎上手食會有d痴笠笠，最好用張紙拎住食。柚子芝士蛋糕 $24柚子融入左cheesecake，啖啖都食到柚子味，蛋糕綿滑質地似american cheesecake. 雲呢嗱鮮奶咖啡 $23榛子鮮奶咖啡 $21因為點左主菜同一份下午茶，加飲品有半價優惠，咖啡味聞落好香，凍咖啡加左冰味道都無變淡。