輝哥私房菜

Open Now

Now Closed

想食點心放題，之前試過海天X同御名X，前者價錢唔平，後者價錢而家好似貴咗，所以想搵啲平啲嘅試吓，搵到呢間價錢好似都幾抵！網上買coupon $98位另加$25，買咗之後睇食評先見最近好多人話服務差啲嘢又唔熱，都驚中伏！但食後公道講完全冇咁嘅事，職員個個都好有禮貌，啲嘢全部都好熱，又冇話食完之後check吓我有冇食淨同比說話我聽，佢有兩個時段揀，11:30am同01:30pm，我揀11:30am，環境係有啲舊同地方唔大，但係都算整潔，嘢食全部熱辣辣，係魷魚鬚同雞軟骨就唔係熱，但係又未至於話係凍，整體食物質素中等，呢個價錢算好合理，仲有飲品任飲（雖然唔係好多款），食到好飽。