Video
Read full review
2020-01-11
78 views
今日勁想食粥底火鍋，平時有幾間食開都話full哂男朋友就係社交網tag咗我有間呢間店嘅廣告。睇片又覺得幾吸引，一於去試試六點去到都未有好多人，一去到就可以坐底食，價錢218，但老闆話無哂肉蟹轉咗龍蝦，結果價錢變咗238。 扣分位：就係點解你無蟹焗我食龍蝦仲要收多20蚊，呢個唔係我要求。我有無得話少咗隻蟹減20蚊？不過我男友都鐘意食龍蝦，所以是旦啦 。等咗無耐就上咗個俾你蒸嘅海鮮拼盤，就好似平時啲蒸鍋咁，等你啲海鮮汁滴哂落去個粥底度，再食個粥時就滿滿鮮味喇。扣分位：個鍋嘅下格，係清水連清湯都唔係。不得不讚個海鮮拼盤啲海鮮係好食嘅，真係鮮味。但係，完全無員工提過你邊啲蒸幾耐，所以蒸嘅時間你自己睇路。食到咁上下，開始想食粥，所以就同靚仔我想食粥，哥哥好快手拎咗成碗米俾我。重點又嚟啦，係生米嚟嘅！大佬阿，一餐飯你俾兩個鐘頭我，多數都係食到一半或者最後先食粥㗎啦。你俾碗生米我自己煮，煮到聽朝先食得啦，然後已經有少少燥燥地。之後我要話下自己，唔係自己傻更更之後都無咁嬲。 因為我見到佢係生米之後，就無用過腦咁一野倒哂落去。煮過十幾分鐘之後打開嚟睇，死！太多米太少水，嗱嗱聲叫哥哥過嚟問佢點算。點知，佢
六點去到都未有好多人，一去到就可以坐底食，價錢218，但老闆話無哂肉蟹轉咗龍蝦，結果價錢變咗238。
0 views
0 likes
0 comments
扣分位：就係點解你無蟹焗我食龍蝦仲要收多20蚊，呢個唔係我要求。我有無得話少咗隻蟹減20蚊？
不過我男友都鐘意食龍蝦，所以是旦啦 。
等咗無耐就上咗個俾你蒸嘅海鮮拼盤，就好似平時啲蒸鍋咁，等你啲海鮮汁滴哂落去個粥底度，再食個粥時就滿滿鮮味喇。
扣分位：個鍋嘅下格，係清水連清湯都唔係。
不得不讚個海鮮拼盤啲海鮮係好食嘅，真係鮮味。但係，完全無員工提過你邊啲蒸幾耐，所以蒸嘅時間你自己睇路。
食到咁上下，開始想食粥，所以就同靚仔我想食粥，哥哥好快手拎咗成碗米俾我。重點又嚟啦，係生米嚟嘅！大佬阿，一餐飯你俾兩個鐘頭我，多數都係食到一半或者最後先食粥㗎啦。你俾碗生米我自己煮，煮到聽朝先食得啦，然後已經有少少燥燥地。
之後我要話下自己，唔係自己傻更更之後都無咁嬲。 因為我見到佢係生米之後，就無用過腦咁一野倒哂落去。
煮過十幾分鐘之後打開嚟睇，死！太多米太少水，嗱嗱聲叫哥哥過嚟問佢點算。點知，佢笑笑口話：好彩你叫我叫得早咋，唔係會煮燶。一路講一路同我加湯落去個粥底度，所謂「湯」都依然係水嚟。
一路見佢加咁多水我個怒氣值都隨住個湯水位升高已升溫。你加咁多清水，我個粥無哂味啦，點食阿。真係嬲到谷氣都谷飽。
結果，到我走嗰陣個粥都仲未煮好。平時自問都唔係挑剔，係街市入面都明白好多都係self-service，但呢幾點真係唔關你間餐廳係邊度事。
晚飯途中已到經即刻打番去平時食嗰間約星期一食，呢間粥底，真係唔會推薦
啲米多到我要but番出嚟
以下係我走前嘅粥底狀態
Post
