Video
Read full review
2004-12-28
12 views
同一相識多年的朋友有個拆禮物日食飯的習慣，每年如果人在香港，也必定會一聚。今年輪到佢請，就來以前都來過的這裡。以前呢度感覺都幾高級的，不過而家睇番轉頭，又覺得都係一般，可能是本地飲食業實在越來越多選擇了。七時許，人不少，始終今晚聖誕未過而仲係拆禮物日。環境不錯，燭光仍然浪漫，不過係略嫌嘈左少少，而樓面以至廚房也是那個全華班底。餐飯佢請就由佢發辦。同以前一樣，呢度的餐牌都係分意菜同歐美菜兩邊，頭盤要了拼盤及Crab Cocktail，主菜方面，她不吃牛又不吃羊，唯有要了個蜆肉意粉及Mergherita薄餅，甜品要了兩個Sorbet。酒方面捨紅酒而要了Sangria，casual一點。先來麵包幾片，涷冰冰的沒有多大看頭；拼盤都算有睇頭，有火腰、涷肉、醃茄及中間一堆紅腰豆吞拿魚沙律。這個拼盤只收65蚊，材料當然不會十分好，但以量計仍是交到功課的；一向也不懂欣賞Crab Cocktail，都係當佢雪藏蟹肉沙律咁食，可能是從來也未吃過好的吧。這裡的量算足，但吃落好像跟拼盤的吞拿魚沙律有少少似；主菜蜆肉意粉先來，炒得乾身，有香味，不錯。意粉煮得好有咬口，有蒜頭的香味及蜆肉的鮮味，有水準。配料有蜆肉
七時許，人不少，始終今晚聖誕未過而仲係拆禮物日。環境不錯，燭光仍然浪漫，不過係略嫌嘈左少少，而樓面以至廚房也是那個全華班底。餐飯佢請就由佢發辦。同以前一樣，呢度的餐牌都係分意菜同歐美菜兩邊，頭盤要了拼盤及Crab Cocktail，主菜方面，她不吃牛又不吃羊，唯有要了個蜆肉意粉及Mergherita薄餅，甜品要了兩個Sorbet。酒方面捨紅酒而要了Sangria，casual一點。
先來麵包幾片，涷冰冰的沒有多大看頭；拼盤都算有睇頭，有火腰、涷肉、醃茄及中間一堆紅腰豆吞拿魚沙律。這個拼盤只收65蚊，材料當然不會十分好，但以量計仍是交到功課的；一向也不懂欣賞Crab Cocktail，都係當佢雪藏蟹肉沙律咁食，可能是從來也未吃過好的吧。這裡的量算足，但吃落好像跟拼盤的吞拿魚沙律有少少似；
主菜蜆肉意粉先來，炒得乾身，有香味，不錯。意粉煮得好有咬口，有蒜頭的香味及蜆肉的鮮味，有水準。配料有蜆肉、蘑菇、紅椒絲等，都算豐富。可惜一路吃一路咬到沙，是美中不足的地方；這裡的Mergherita薄餅是蕃茄加芝士，覺得用鮮茄比茄醬好。可惜餅底太濕，是韌了一點，個人喜歡較乾的餅底，整體來說，都算唔錯；
Sorbet要了椰子及菠蘿，是別處交來，同得龍的應是同一個供應商，第一次吃就幾好，第二次吃就覺得一般，早知叫番個炸雪糕球或玩下火焰雪山好過；
這裡有自己放酒的地方，不過就對正廚房而在廁所出面，似乎不能算是酒窖。飲的Sangria其實唔錯，一公升只二百蚊，如果同檯的不介意的話，用這個來代替支酒都不錯；
埋單應該係差不多六百蚊，三道菜連Sangria ，唔算貴。雖然菜式不算十分精緻，但作為吃意菜的入門，平平地也不錯的。
Post