Urban Coffee Roaster (唐賢街)

Open Now

Now Closed

餐廳裝修行水泥工業風，座位多，一入門口就有架雪糕車，主打Homemade Gelato，下次散步經過，會想買黎試下。Happy Hour Set $168以將軍澳海旁餐廳價黎講，性價比高，由3點開始供應， 包一杯 250ml啤酒，可選Asahi/ 1664 Blanc。🔸新鮮青口配秘魯辣椒汁 秘魯辣椒唔會好辣🌶️帶點香甜味道，容易調出青口既鮮。一碗份量足，有約十幾粒青口仔，每粒都入味juicy，另有一片超脆法包，釀汁一流。🔸手打安格斯牛肉漢堡配薯條手打漢堡扒厚身🐮切開呈淡粉紅色，雖然肉質偏瘦，但各有所愛，岩晒我呢啲健康人士！薯仔麵包底同面都烘過，入口鬆軟。粗薯條超讚，會令人想獨立叫一份食🤭份量多，外脆內粉，配濃郁既黑松露醬，邪惡到極。🔸慢煮豬肋漢堡配薯條好少可見豬扒都咁厚身，食完超飽肚，底下加左醃漬蘿蔔絲，減低油膩感。🔸香橙伯爵茶批 $68偏向似柚子味🤭伯爵茶Mousse同餅底中間有粒粒柚子，呢個組合幾特別。