抹茶館 (荷里活廣場)

Open Now

Now Closed

早排喺荷里活廣場睇完戲，順便喺附近搵嘢食。本身自己幾鍾意抹茶味嘅東西，經過見到呢間抹茶館，就決定入試下。舖頭裝修以木系為主，配綠色嘅櫈。叫得抹茶館，就即管試下抹茶主題嘅食物。❣️抹茶溫泉蛋卡邦尼煙肉烏冬定食（額外加左豆腐魚餅）：烏冬撈埋隻溫泉蛋一齊食，口感creamy。不過就無乜抹茶味。定食跟咗兩件甜蝦壽司同雞，仲有一個迷你雞蛋布丁。甜蝦同雞味道不過不失；迷你雞蛋布丁幾香滑。豆腐魚餅煎得幾香脆。❣️抹茶pancake：抹茶pancake中間夾幾粒麻糬，上面有三球雪糕，分別係抹茶，雲呢拿同紅豆。Pancake唔算太甜，最正係雪糕，pancake同麻糬夾住一齊食。呢餐最出色係抹茶pancake，味道好性價比亦算高。