京林屋 (Closed)

講到食甜品，日本抹茶味既甜品一向係我既首選。京林屋之前係銅鑼灣都有食過，味道相當唔錯，最近去開ELEMENT，見到又有呢間，當然入去試一試。我同朋友就點左個培茶味同抹茶味蛋卷SHARE。蛋卷既抹茶味較奶味突出，食落唔會太甜，抹茶味濃郁，整體而言都非常唔錯。培茶味蛋卷比起綠茶味既更叫我驚喜，食落茶味香濃，甜而不膩，極力向大家推薦。 呢杯忌廉抹茶有非常重既忌廉香，相對抹茶味就冇咁突出。之前去銅鑼灣果間咸點選擇都幾多，而呢間可能因為鋪面較細，選擇就相對少，但由於我同朋友好肚餓，都叫左佢兩款唔同既三文治試下。首先係三文魚牛油果三文治，入面既材料都幾豐富，牛油果同三文魚非常MATCH，食落有好FRESH既感覺。火雞腿三文治咸料同樣多，每啖都食都火雞腿。外面既面包烘得外香脆，亦係一個唔錯既選擇。