Video
Read full review
2019-08-28
25 views
好鍾意食拉麵，不過喺大阪都食過幾間中伏嘅拉麵，四天王我諗大家都有食過，真係唔明點解咁難食都可以咁多人排隊。但係唔可以下下想食拉麵就飛去日本，所以喺香港都不停發掘日本原味道。呢間別天神聽過好多人講話好食，一於今晚去容祖兒演唱會之前試一試佢🍜適逢別天神拉麵兩周年，所以在座嘅顧客都獲派一張許願貼紙，將自己嘅願望寫上去，呢一種同食客既溝通互動都幾別開生面🧡小龍蝦蟹籽沙律 可能大家會同我一樣覺得好驚訝，竟然係日式拉麵店見到有龍蝦沙律做前菜。所以我就點左一客。一食落口就知道佢係臥虎藏龍，龍蝦肉好彈牙，薯仔沙律細滑柔軟，口感好Creamy。推介大家可以點套餐，裏面可以揀龍蝦沙律做其中一個配菜🤤煎餃子 基本上煎餃子對於日式拉麵店來講就好似一把間尺，用嚟量度拉麵店嘅質素。上至於餃子皮有冇金黃色，脆口程度，下至於用黎點餃子既黑醋都係一門學問。呢個餃子真係好出色，外脆內軟，入面個餡仲好juicy!豚骨湯麵其實店舖裏面嘅拉麵選擇唔多，只有兩款，我哋兩個人啱啱好可以試晒兩個唔同嘅湯底。豚骨湯麵湯底濃而不膩，試頭啖湯嗰陣飲到可能郁嘅豬骨骨膠原，令到嘴唇有癡粒粒嘅感覺。麵身好幼，加埋蔥粒同埋木耳絲感覺好似返咗日本咁
好鍾意食拉麵，不過喺大阪都食過幾間中伏嘅拉麵，四天王我諗大家都有食過，真係唔明點解咁難食都可以咁多人排隊。但係唔可以下下想食拉麵就飛去日本，所以喺香港都不停發掘日本原味道。呢間別天神聽過好多人講話好食，一於今晚去容祖兒演唱會之前試一試佢🍜適逢別天神拉麵兩周年，所以在座嘅顧客都獲派一張許願貼紙，將自己嘅願望寫上去，呢一種同食客既溝通互動都幾別開生面🧡
小龍蝦蟹籽沙律
可能大家會同我一樣覺得好驚訝，竟然係日式拉麵店見到有龍蝦沙律做前菜。所以我就點左一客。一食落口就知道佢係臥虎藏龍，龍蝦肉好彈牙，薯仔沙律細滑柔軟，口感好Creamy。推介大家可以點套餐，裏面可以揀龍蝦沙律做其中一個配菜🤤
煎餃子
基本上煎餃子對於日式拉麵店來講就好似一把間尺，用嚟量度拉麵店嘅質素。上至於餃子皮有冇金黃色，脆口程度，下至於用黎點餃子既黑醋都係一門學問。呢個餃子真係好出色，外脆內軟，入面個餡仲好juicy!
豚骨湯麵
其實店舖裏面嘅拉麵選擇唔多，只有兩款，我哋兩個人啱啱好可以試晒兩個唔同嘅湯底。豚骨湯麵湯底濃而不膩，試頭啖湯嗰陣飲到可能郁嘅豬骨骨膠原，令到嘴唇有癡粒粒嘅感覺。麵身好幼，加埋蔥粒同埋木耳絲感覺好似返咗日本咁。另外值得一提嘅係佢個糖心蛋做得好好，溫度同時間拿捏得好準確，平時唔係好食蛋嘅我都食晒！🥰個人認為如果佢個叉燒有啲肥膏入口即溶就Perfect池喇😝
蝦味增豚骨湯麵
其實上枱嘅時候比佢個份量嚇親，因為冇諗過80幾蚊一碗拉麵會咁大碗咁足料。拉麵上面鋪滿左一大堆櫻花蝦，性價比極高。同樣地都係有大量蔥粒同埋粟米粒做配菜，再配埋隻糖心蛋同埋叉燒，你話呢個價錢係咪物超所值先。試一啖佢個湯底，好濃郁嘅蝦味，唔知係咪師傅事先用蝦殻做湯底，食得出佢唔係用調味粉開出嚟嘅即食湯底。如果大家平時食慣咗豬骨湯底拉麵，不妨一試佢呢個蝦味增特別口味！🤤
Post
