鳴虎

Open Now

Now Closed

星期三晚同屋企人去寶琳買嘢，順便食埋晚餐，今次就嚟到鳴虎食拉麵。拉麵有多種口味選擇，更有丼飯同小食，亦有套餐。四國香蔥油拉麵(套餐$128，單點$88)湯底可以揀濃、普通同淡，我揀左濃，味道咸香，唔食得太濃既朋友建議都係揀返普通好啲，有大量既蔥，幾香。叉燒薄切，肥瘦分明，食到火炙過既香味，肉質腍。麵係幼身個隻，可以揀軟硬程度，硬麵有咬口，都算掛湯。肉餃子(跟餐)餃子外皮厚薄適中，幾脆，餡料都飽滿而且入味。大阪風咖喱吉列豬扒丼($58)份量多，咖喱汁同個飯分開上，唔怕整腍d豬扒，幾細心。咖喱汁質地濃稠，味道濃郁，少少辣。吉列豬扒外皮脆，肉質有咬口，唔會太乾。白飯面頭灑上飯素，味道幾香。