Video
Read full review
2021-09-22
72 views
疫症之下婚紗舖執笠嘅愈黎愈多，金巴利街附件嘅晚市都愈黎愈靜，不過靜有靜好，起碼唔洗下下排幾十分鐘先有得食。今次黎到依間小店 - 武士拉麵，真係細細個就睇住佢大😂。鋪面唔係好大，坐到十幾個人到。我同Mcdull叫左兩碗拉麵、炸雞，餃子，咩都試晒。農臣將軍拉麵(四國蔥油湯底) $98足利將軍拉麵(黑蒜油豬骨湯底) $98我食蔥油味，Mcdull食嘅係黑蒜味；我好快手影完相就忍唔住要開動，賣相好吸引，一飲個湯，ummm，唔太濃味，唔似出面主打豬骨湯底嘅拉面咁一飲就成口油，冇咗個種油膩感，但反而愈食愈想食落去，食晒成碗麵加埋小食岩岩好；面底爽爽地，份量正常，日式叉燒就得兩塊，唔太多，亦都比較瘦，可能我真係太中意食肥，Mcdull表示唔好食咁肥啦🐽但我一向食拉麵都係著重湯>麵>肉，所以👍神奇係一向唔多中意食拉麵嘅Mcdull都清得晒成碗拉麵，Mcdull jepjepjep表示好食，完。炸雞$38煎餃$30我對於拉麵舖嘅小食一向冇乜期望，炸雞同煎餃上枱，我哼左首歌「若談樣子 不會叫好 不算最討好，……」但食落出奇地好食，兩碟嘢上枱嗰時都係熱辣辣，尤其是係餃子，外皮脆一脆，一咬落去
今次黎到依間小店 - 武士拉麵，真係細細個就睇住佢大😂。鋪面唔係好大，坐到十幾個人到。我同Mcdull叫左兩碗拉麵、炸雞，餃子，咩都試晒。
農臣將軍拉麵(四國蔥油湯底) $98
足利將軍拉麵(黑蒜油豬骨湯底) $98
我食蔥油味，Mcdull食嘅係黑蒜味；我好快手影完相就忍唔住要開動，賣相好吸引，一飲個湯，ummm，唔太濃味，唔似出面主打豬骨湯底嘅拉面咁一飲就成口油，冇咗個種油膩感，但反而愈食愈想食落去，食晒成碗麵加埋小食岩岩好；
面底爽爽地，份量正常，日式叉燒就得兩塊，唔太多，亦都比較瘦，可能我真係太中意食肥，Mcdull表示唔好食咁肥啦🐽但我一向食拉麵都係著重湯>麵>肉，所以👍
神奇係一向唔多中意食拉麵嘅Mcdull都清得晒成碗拉麵，Mcdull jepjepjep表示好食，完。
炸雞$38
煎餃$30
我對於拉麵舖嘅小食一向冇乜期望，炸雞同煎餃上枱，我哼左首歌「若談樣子 不會叫好 不算最討好，……」
但食落出奇地好食，兩碟嘢上枱嗰時都係熱辣辣，尤其是係餃子，外皮脆一脆，一咬落去啲汁標晒出嚟，omg$30黎講真係抵，建議就咁食唔好點汁，已經夠味！炸雞脆漿薄薄地，外皮都好脆，又係熱辣辣，都唔錯。小食黎講，以拉麵舖我冇乜期望下，真係超乎預期！
依間小店真係細咗啲，得十幾個位，但老闆一腳踢搞掂晒真係好鬼利害；如果你係想食一碗好食得來唔太鹹，唔介意坐得迫少少，行開尖沙咀，不妨行遠少少嚟到金巴利街附近嘅依間小店，試一試依碗Mcdull會覺得好食又可以清晒嘅拉麵！
Post
