一喜食堂 (Closed)

今日再次拉麵癮起，決定去黎間都比較多推介既小店試試，先打個電話去肯定晚市開始時間，及有關入座詳情，以免摸門釘，打到去係冇得訂位的，店內約只有8個位，先到先得，尊重。所以早少少去頭輪等待。入到鋪感覺到個氛圍係心機野，店內放滿日系新舊玩具，十分有味道。店員不多但十分有交流。客位興廚師只有一枱之隔，證明廚師對自己手門及手藝好有信心既擺位。入正題，我叫左個博多元祖豚骨拉麵，湯底濃厚，但調味又唔會好進取，慢慢飲慢慢濃，唔會搶晒鏡，豚肉軟滑香口，又唔會太油膩，整體好順口，另外再有博多餃子，加碼生蠔，海膽，再要一日提既係，慢煮雞沙拉，雞肉軟清彈口，加上清新汁醬調味，情價比高，唔怕等，可以一試。