魂 (Closed)

由於今個星期六早上要番公司做小小野, 所以老公接左我之後, 我地就響公司附近搵野食. 去到一條寧靜的小街中間見到間拉麵店就去試下店舖細細但係店內的野非常精緻, 有得坐二人枱又可以坐一人前拉麵枱得意! 已經超餓所以我地就極速咁叫野食. 個menu超級high-Tec r, 用iPad 自助落單嫁. 仲可以選擇麵的硬度, 湯既濃度同埋配料👍🏼窩心呢一按廚房就已經收到order, 完全不經人手厲害厲害! 老公等我等得太餓, 叫左個火魂拉麵再追加多份蛋同叉燒. 個拉麵唔算辣,味道調配得好好, 杰杰地既湯底帶有濃濃的豬骨味配上一堆三文魚碎, 成件事好夾!! 個麵出到黎係同我iPad 落單時要求一樣, 真係跟足淡湯底多蔥, 底讚! 呢個太極拉麵個墨汁湯底真係好墨汁呀! 呢碗麵的墨汁係完全蓋過左個湯底的豬骨味, 混埋都上面的金箔蟹膏, 真係估唔到原來蟹膏同埋墨汁兩個原來係好朋友黎嫁!!! 杰杰的湯底夾起每一啖湯底都掛麵嫁...啖啖都好rich r! 我地叫左個小食炸雞, 呢個炸雞真係好好味. 炸得好熱好香脆, 咬落去雞肉好moist 出晒汁. 真係做到外脆內軟. 又唔會食到成日炸粉, 食到停唔到口呀