達磨日式拉麵 (Closed)

最近發現到銅鑼灣呢附近既拉麵店越開越多, 有係中環排餐死既X王, 亦有由日本黎既一X堂, 而食評唔錯既達磨亦到係銅鑼灣開左分店, 今日咁岩去開呢附近, 就走去試下味道如何 門面及裝修以黑色為主, 而牆邊有一D應該係知名人任的簽名黎既時間平日既午飯時間, 但居然人流不多 , 二十多個位子的店, 我入去時只有太約6個人在用餐, 可能仲未多人知道啦!, 唔駛迫, 食得都自左D 第一次去, 梗係叫個 人氣最高既黎試, 所以叫左個 達磨一品豚骨拉麵 , 由於人唔多既關係, 等左5分鐘就個面就送到我面前啦 )b一黎到望到個湯唔太油, 配菜有葱粒, 木耳, 明太子, 味玉, 叉燒(2片)同豚角煮(3片), 比一般拉麵店黎講, 呢個麵非常足料! 賣相都唔差先試下個湯底, 一啖入口既感覺係好香既豬骨湯味, 唔太咸, 唔錯叉燒同唔算大塊, 但都唔算薄, 好味! 豚角煮(唔記得影) 有啲D 扣肉, 略肥, 但味道都唔錯味玉, 香滑+糖心, 好味! 麵, 呢度既麵比起我係其他地方所食既唔同, 麵身比較淋, 唔太彈牙, 略為失色...整體黎講係一間唔錯既拉麵店, 個人覺得唔想等好耐, 呢度都可以係一個選擇.