拉麵達人 (Closed)

如果去食拉麵，大家都係去熟悉，成日去開的拉麵店，今次係佐敦就試左朋友介紹話好食既拉麵達人。因店鋪細小，座位太約只有20個，去到既時候都要等位，不過好快就有得入。店內佈置充滿日式風情，成間店舖都有日式小擺設。今次我地食左兩款麵，一個係櫻花蝦達人，另一個係赤海老豚骨拉麵。麵食好快就到，兩碗麵既賣相都唔差。濃蝦醬油同豚骨湯做成既湯底非常香濃，而且香味係遠處已經感覺到。成個麵中心就係呢隻手掌咁大既炸大蝦，呢隻櫻花蝦蝦味新鮮，食落爽口彈牙。其次仲有帶子，蟹柳，海帶同粟米，麵條煮得剛剛好，好彈牙。呢個麵係期間限定，俾我既感覺做得期間限定一定有佢獨特之處，果然不負我所望，辣味好濃，每一啖既湯都有好重好重既辣醬味，原來係用左日本辣醬。配料有自家製叉燒，味付玉子，櫻花海老，海草，粟米等等。值得抵讚既係佢地個叉燒煮得好淋，淋得來又夠彈牙，又唔肥。我相信呢個拉麵達人既叉燒係用左特別既方法去煮既。另外兩個麵都有味付玉子，玉子有小小流心，流心既程度剛剛好而且非常入味，湯味完全滲入隻玉子裡麵。味道同日本食到好相似。至於小食方面，我地叫左個吉列芝心蝦球。熱辣辣新鮮金黃色的芝心蝦球就呈現係我眼前，炸得唔會過火，炸粉亦