日和号壽司料理 (Closed)

嗰晚我地去德福睇戲，散場已經接近八點。德福又極多人，所以我地想轉場去Megabox搵食。點知Megabox都不遑多讓，都係好多人。所以我地就上咗去十樓睇下搵唔搵位食飯先。巡咗一圈，見到這間日和號似乎仲有位，咁我地就去咗撳飛仔攞位啦，等咗一陣就安排我地入座，原來裡面嘅空間都幾大下，而且都仲有好多吉枱。坐低打開餐牌睇下，選擇都幾多，有壽司、刺身、拉麵等等。我地為咗穩陣起見，就點咗拉麵嚟食。兩碗拉麵（豬軟骨同叉燒）賣相都唔錯，味道都正常。到埋單時，先發現除咗收加一服務費外，仲要收3蚊位茶錢！真係好少見要收茶錢嘅日式餐廳。。。Ｏ咗咀。。。