魂 (Closed)

太子一向多野食，但拉麵店真係少之有少，今日咁岩同朋友經過就一於入去試下。一入到去個格局就好似日本拉麵店，有單人一格格既座位，亦都有一枱枱既座位，即使自己一個黎食都洗驚要同人搭枱呀。點餐方面，店舖已經採用現代化點餐，每枱都有一部IPAD類的東西供客人自助點餐，餐單內可以選擇的食物不多，拉麵款式只有四款，有一款還要是晚上六時後才有供應，我和朋友二人點了魂拉麵、火魂拉麵、一客餃子、一客八爪魚波波仲有一杯日本梅子雪碧，非常豐富!朋友的魂拉麵係好濃既豚骨湯配上紫菜叉燒同溏心蛋，一食落口豚骨湯味好濃烈，面身可以自由選擇硬度，湯底同面配合之下，真係好好味! 至於我食既火魂拉麵就係由蕃茄辣湯底組成，配料除左有紫菜叉燒同溏心蛋之外，仲有三文魚肉碎同粟米。在選擇辣度時，店員提醒了最好選擇中辣，不然會食唔出辣味。個人感覺中辣的選擇還不錯，除左食到辣味之餘，仲有食出啖啖既番茄味同豚骨湯味，口感真係幾特別! 小食方面，餃子屬正常水準，大家可以改為食八爪魚波波，八爪魚波波配上附碟的泰式辣醬令食落口感覺非常滋味!飲品方面，日本梅子汽水都幾別，梅味雪碧岩哂同濃湯既拉麵做個緩衝，對梅子不特別抗拒既朋友值得一試!兩碗拉麵