金鶴拉麵 (蜆殼街)

Open Now

Now Closed

天氣轉凍，最啱食多啲澱粉質！今次黎到呢個頗有名既拉麵店，店鋪位置唔多，裝修有日本氣氛，而且燈光暗暗地，幾有feel架！✨北海道海老濃厚拉麵係期間限定款式黎，主要有濃厚蝦湯底、蟹肉同櫻花蝦。蝦湯質地好厚好creamy，飲落好鮮甜，唔會死咸。至於啲麵亦有咬口，浸耐左都唔覺得會變到軟哂冇哂韌勁！除左蟹肉同櫻花蝦之外，仲有木耳絲、芽菜、叉燒、温泉蛋等等既配料，值得一提既係佢地隻温泉蛋，入面個蛋黃超流心，好好食！✨北海道花咲蟹濃厚拉麵一樣都係期間限定款式，配料亦同海老拉麵一樣，只係冇左櫻花蝦，湯底亦轉左係蟹湯底。蟹湯既味道比較清甜，食落冇咁膩，比較温和冇咁突出，中意清新啲既朋友可以揀呢款拉麵！