Video
Read full review
2013-12-01
183 views
今日放假，可以同魚佬去拍下拖！佢話有間咖啡館想帶我去食！不過一定要早半個鐘去排隊！餐廳响一樓，我哋去到人龍已經排到落地下！魚佬解釋！餐廳不設訂位！除了第一批人客可以即刻入去！之後要取票等位！仲要錯失咗個輪候號碼！只不過係一個號碼！都唔會比枱！要重新輪候！每張枱只可以食一個半小時！（90分鐘）所以就要早點嚟等！大家响玩住手機傾下偈消磨咗二十分鐘！餐廳十二點準時開門！大家入場！門口有個講國語嘅台灣美眉問我哋幾位！（侍應只講國語，不過識聽廣東話）入到去旁邊嘅梳化位已經滿咗！我哋要坐近門口大枱！環境裝修簡約乾淨明亮，侍應全部後生仔女！坐低面前已經放好咗餐牌餐具！餐牌成份報紙咁！感覺好新潮，因為唔想浪費時間，响等位時已經上openrice睇定招牌菜！所以好快已經可以落單！叫咗：美式摩卡咖啡：（$46）---飲品上得最快，配兩片乾果曲奇，咖啡拉花！咖啡杯手柄及鐵匙手柄扭曲，感覺新潮，賣相真的不錯！咖啡味香濃，朱古力味反而唔太覺，可惜溫度只係微暖！（我最憎嘅情況）兩片乾果餅乾好薄好香脆，本來可以更好！若是溫度啱的話。冰鮮果茶：（$58）---魚佬飲，一樽玻璃瓶裝滿鮮黃色雜果汁！連埋一個茶包，裹面有桔
今日放假，可以同魚佬去拍下拖！佢話有間咖啡館想帶我去食！不過一定要早半個鐘去排隊！餐廳响一樓，我哋去到人龍已經排到落地下！魚佬解釋！餐廳不設訂位！除了第一批人客可以即刻入去！之後要取票等位！仲要錯失咗個輪候號碼！只不過係一個號碼！都唔會比枱！要重新輪候！每張枱只可以食一個半小時！（90分鐘）所以就要早點嚟等！大家响玩住手機傾下偈消磨咗二十分鐘！餐廳十二點準時開門！大家入場！門口有個講國語嘅台灣美眉問我哋幾位！（侍應只講國語，不過識聽廣東話）入到去旁邊嘅梳化位已經滿咗！我哋要坐近門口大枱！環境裝修簡約乾淨明亮，侍應全部後生仔女！坐低面前已經放好咗餐牌餐具！餐牌成份報紙咁！感覺好新潮，因為唔想浪費時間，响等位時已經上openrice睇定招牌菜！所以好快已經可以落單！叫咗：美式摩卡咖啡：（$46）---飲品上得最快，配兩片乾果曲奇，咖啡拉花！咖啡杯手柄及鐵匙手柄扭曲，感覺新潮，賣相真的不錯！咖啡味香濃，朱古力味反而唔太覺，可惜溫度只係微暖！（我最憎嘅情況）兩片乾果餅乾好薄好香脆，本來可以更好！若是溫度啱的話。
冰鮮果茶：（$58）---魚佬飲，一樽玻璃瓶裝滿鮮黃色雜果汁！連埋一個茶包，裹面有桔仔、熱情果、菠蘿等水果，酸酸甜甜，好開胃！另配一隻玻璃杯，裹面有一角檸檬冰！色彩繽紛，非常夏天嘅感覺，消暑一流！
北極蝦吐司佐茴香葉：（$63）---吐司上一堆沙律醬蝦及一束新鮮茴香葉，伴有煎薯角及凱撒沙律，賣相亮眼，吐司香脆略硬，因為同魚佬分享，要切開吐司都有點難度！北極蝦本身無乜味，只係爽口，味道主要靠沙律醬及茴香葉嘅味道！幸好茴香葉一大束！味道清爽！反而拌碟嘅薯角煎得香，凱撒沙律生菜新鮮爽脆，沙律醬不會搶過生菜嘅味道！
咖哩牛腩佐法國麵包：（$66）---一碗咖哩牛腩配四片法國麵包！咖哩汁香濃，難得係帶點辣！而家好多餐廳為遷就客人，好多都轉賣日式咖哩！只有香而不辣！唔似食咖哩，牛腩只有肉無筋！牛肉味唔強但唔鞋！唔會食到成口渣！碗內仲有一大塊薯仔！炆得好淋入味！法國麵包唔乾但外皮唔脆，可能放了一陣！配咖哩汁，味道都配，不過我較喜歡配長通粉！
草莓冰淇淋鬆餅：（$58）---甜品可以食完主菜後另上！一上枱已經好喜歡個賣相，可惜上甜品時已經八成飽！只可以食到一片窩夫！窩夫好厚身，一半脆口一半軟綿綿，好似班戟咁，第一次見咁嘅窩夫，味道淨食會淡，要配埋酸酸嘅士多啤梨甜醬及士多啤梨雪榚！又熱又凍！感覺好強烈！但另一球好似係吉士醬嘅，我就唔係咁鍾意！味道淡，一團粉！都係要靠個醬先有味！醬中有士多啤梨，新鮮爽口，呢個份量可以當一份主菜咁食！我哋食完主菜先食就太飽！
雖然有限時，但環境舒服，飲下咖啡傾下偈，感覺好relax,侍應殷勤但唔會感覺騷擾，食看完主菜會主動換碟食甜品，呢度主要後生女仔或拖友，一路食一路有人取票等位！亦有管理員投訴輪候客人阻住樓梯！要餐廳處理！走嘅時候人龍差不多到地下！呢度都係優閒傾偈一個好去處！
Post
