The Story Cafe and Bakery

Open Now

Now Closed

去青衣探朋友，約埋食d野先，經過呢間cafe門口，比佢舊雲吸咗入去。由於我唔係成日睇漫畫，等到我個friend黎到，佢話我知，我先至知道果d一舊舊係塵，唔係雲，我認，我認我係大鄉里。我地點咗1個小食，1個甜點，同2杯野。天空飛塵船 - 呢個係小食併盤，見到都好開心，可能係加咗漫畫公仔嘅元素，甚少影食物相的朋友都忍唔住舉機拍照。海之星窩夫 - 呢個甜點亦係另一拍照熱門之選，佢地將窩夫、雪糕、jelly❨扮貝殼&海星❩堆砌成一個沙灘嘅場景。藍天 - 呢個熱飲藍蝶花latte加了紅豆，店家好聰明，用透明嘅杯承載，其實藍蝶花冇咩味，但因為加咗奶，變成粉藍色，再配以白色嘅奶泡係面，要食客味覺享受之餘，也有視覺享受。藍蝶花茶配柚子蜜 - 朋友點咁呢個，幾好玩，因為藍蝶花泡出嘅茶係藍色，加咗黄色嘅柚子蜜，就會變成紫色，好似做實驗咁，呢個小朋友一定勁like!總括呢間餐廳價錢唔平，食物質素普通，但種類特別，製作精美，來拍照打卡是不二之選。