小王牛肉麵 (Closed)

嗰日我地去咗啟德郵輪碼頭睇夜景，走嗰陣冇搭返車出去，而係徒步行到九龍灣，再上咗去德福搵嘢食。記得去到德福都接近九點，好多店鋪到打烊了。幸好仲有間「小王」仲未打烊，咁我地就拿拿聲入去啦。當時裡面已經得返好少枱客人，店員姐姐仲埋緊數。為咁唔阻佢地收工，我地都好快嗌咗嘢食。咁嚟到「小王」梗係要食佢的招牌「半筋半肉」麵啦！我好鍾意佢啲酸菜同啲養生牛骨湯配搭起嚟好好食，牛肉同牛筋都算幾軟稔，但係牛骨湯就偏鹹。另外，小食「鹽酥雞」的粉漿較厚，唔係好食到有雞肉。而另一款小食「麻香茄子」比較好，可以一試！