日本料理とん勝 (Closed)

朋友介紹位於尖沙咀既日本餐廳，吉列豬扒係招牌菜，見個menu 有其他唔同既炸物同天婦羅，本身都好鐘意食日本菜同炸物，諗左好耐都係嗌番佢既招牌菜咖喱吉列豬扒飯。看似普通而周圍都有得嗌既食物，反而好難遇到好食，作為招牌菜果然係有啲水準，新鮮炸既豬扒，咬落去唔會好硬咬唔開，又唔會炸到皮同肉分離，又熱又脆而且好大份，日式咖喱既甜度控制得幾好，配埋日本米，食落真係幾唔錯。配菜係薯仔沙律同麵豉湯。朋友仲另外嗌左枝酒同玉子燒。玉子燒既外皮煮得老左啲，食落普普通通。