炊豕店 (威靈頓街) (Closed)

Happy Friday，朋友約左我去蘭桂芳飲野，飲野之前當然要填飽個肚先啦，我地去左威靈頓街一間豬扒飯專門店食晚餐。呢度有好多充滿港式味道既飯，淨係豬扒飯都有三款，好吸引，仲有其他小食。我地點左兩個飯同埋一個小食。黎呢度食飯，當然要點豬扒飯啦，我地點左一碗秘製蔥油豬扒飯，豬扒超大塊，皮脆肉嫩，飯係用左珍珠米，粒粒分明又軟熟，撈埋啲蔥油，勁惹味！另外，我地仲點左碗沖繩豬軟骨飯，豬軟骨份量好多，而且好入味。呢度既豬軟骨真係整得超好，入口即化，係我食過最好味既豬軟骨，仲有白菜仔、蓮藕同蘿蔔，好豐富！我地仲點左個炸芝麻雞翼，芝麻雞翼炸得好香脆，再加埋啲調味粉，勁香口，雞翼有少少辣，我點左樽五花茶下下火就perfect!以中環既物價黎講好抵食。