壹小店 (Closed)

早幾日同黃貓友約出來吹水，決定去食個early dinner ，終於有機會試到佢嘅蛋餅，蛋香濃郁唔在講，三文魚又唔會腥，有淡淡黑椒味幾討好，雖然蛋餅唔係太大件，但材料厚實，加上附送迷你餐湯同沙律，都算係抵。朋友飲冰滴咖啡，佢話咖啡味濃得來都幾香醇，我就獨沽一味飲cappuccino ，另外我哋仲叫咗窩夫配咖啡雪糕及啫喱，窩夫外脆內軟，雪糕和啫喱都吃得出是自家製，咖味濃郁，好味！順帶一提，佢門口有個箱收集舊布做連儂百家布，大家屋企有舊布嘅都可以攞去回收支持吓！