Video
Read full review
2003-10-08
87 views
食黃油蟹同大閘蟹絕對是一年中的大節目，過左重陽又係食大閘蟹的時候。先吃雌蟹後吃雄蟹，因要外遊，恐防歸來時已沒有靚蟹，所以都係食左先去。鑑於食開的老正興重新經營，未知水準能否維持，所以今年就拉大隊來這裡吃。一行六人，其中一人是熟客，由?訂檯同點菜。雖是平日，都見坐滿食客，應該因為呢度食蟹出名貨真價實，而我地都係因此而來。因主要是來吃大閘蟹，所以都不叫太多菜，只一人要了兩隻大閘蟹、龍井蝦仁同雲吞鴨。主角的大閘蟹屬大蟹，因是雌蟹故較墮手，估計超過七兩重，蟹黃多到流滿一手，味道甘香而又槳口，用隻匙羹來吃，食到成隻匙羹成橙色，加上雙手及口都係橙色，美味之處非筆墨所能形容。因為是靚蟹，所以蟹腳蟹爪都塞滿肉，亦鮮甜無比。因怕蟹變涼，所以要快手，先吃蟹身再吃蟹腳，都要食成個鐘頭至食得完兩隻蟹。有人會問咁麻煩點解唔食拆了的蟹，我的答案是一來蟹要趁熱食，自己拆一定快過人家拆完才吃，二是真正喜歡吃蟹的不會介意拆蟹，邊拆邊吃邊傾計才是吃蟹的樂趣所在。吃大閘蟹唔飲花雕好似是缺少了什麼似的，呢度的花雕同樣出名，不可不試。醇厚的花雕配蟹黃是一絕，不能錯過。有人會落話梅，但咁絕對糟蹋了花雕的味道，計我話咁樣飲不如飲可
因主要是來吃大閘蟹，所以都不叫太多菜，只一人要了兩隻大閘蟹、龍井蝦仁同雲吞鴨。
主角的大閘蟹屬大蟹，因是雌蟹故較墮手，估計超過七兩重，蟹黃多到流滿一手，味道甘香而又槳口，用隻匙羹來吃，食到成隻匙羹成橙色，加上雙手及口都係橙色，美味之處非筆墨所能形容。因為是靚蟹，所以蟹腳蟹爪都塞滿肉，亦鮮甜無比。因怕蟹變涼，所以要快手，先吃蟹身再吃蟹腳，都要食成個鐘頭至食得完兩隻蟹。
有人會問咁麻煩點解唔食拆了的蟹，我的答案是一來蟹要趁熱食，自己拆一定快過人家拆完才吃，二是真正喜歡吃蟹的不會介意拆蟹，邊拆邊吃邊傾計才是吃蟹的樂趣所在。
吃大閘蟹唔飲花雕好似是缺少了什麼似的，呢度的花雕同樣出名，不可不試。醇厚的花雕配蟹黃是一絕，不能錯過。有人會落話梅，但咁絕對糟蹋了花雕的味道，計我話咁樣飲不如飲可樂仲好！
美味當前，其他菜全是配角，況且食完蟹已八成飽。蝦仁清淡爽口，幾香龍井味，話時話呢度的龍井都好出名，有機會再試真D。唔夠飽的話，雲吞鴨還有魚丸和雲吞，仲有原隻老鴨，不過已經無人食得落了。
埋單位位千三蚊有找，雖然好貴，但食到咁貴的大閘蟹絕對是物有所值，何況食完雌蟹遲D仲要食埋蟹公呢！
Post