Video
Read full review
2006-02-08
9 views
一向都唔多食得辣的我，見早前fatman說這店好好味，辣椒女當然立刻就想來試啦！所以便約了幾個朋友來一試。我們叫了很多食物，食到店主都要想想還有什麼可以煮給我們食，看來食物選擇都唔太多。我們叫的食物包括有蒜泥白肉、毛血旺、麻辣瀨尿蝦、香辣蟹、巴蜀鯉魚、香芹羊肉、水煮魚、火爆腰花、樟茶鴨、擔擔麵、牛肉炒飯和羊肉炒飯。蒜泥白肉- 切得好薄，帶有微微的辣味，但又唔會搶了白肉味，的確是水準之作。毛血旺- 牛柏葉加上豬紅，豬紅還有點點咬口，可惜辣味已令自已完全再食唔出其它味道了。樟茶鴨- 自已最喜歡的一味，因為唔辣；而且外皮炸得好脆，好嫩唔韌又好入味，真係送酒的美食。麻辣瀨尿蝦- 瀨尿蝦大大隻又多，新鮮又好味，價錢還平到笑，真係不可不試。香辣蟹- 蟹一向唔多喜歡，因食得比較麻煩，所以也只有食了一點點。巴蜀鯉魚- 鯉魚好新鮮，又好入味；怕太辣的我，也食了唔少，真少見。香芹羊肉- 唔韌又唔羶，味道都煮得唔錯，喜歡食唔羶羊肉的人就一定會喜歡。水煮魚- 沒有想象中辣，可能因食得太多辣，所以有點麻痹了的原因吧！魚還是鯉魚，新鮮煮起，當然新鮮嫩滑，又是一味不可多得的好菜。火爆腰花- 自已唔多喜歡的一味，帶有
我們叫了很多食物，食到店主都要想想還有什麼可以煮給我們食，看來食物選擇都唔太多。我們叫的食物包括有蒜泥白肉、毛血旺、麻辣瀨尿蝦、香辣蟹、巴蜀鯉魚、香芹羊肉、水煮魚、火爆腰花、樟茶鴨、擔擔麵、牛肉炒飯和羊肉炒飯。
蒜泥白肉- 切得好薄，帶有微微的辣味，但又唔會搶了白肉味，的確是水準之作。
毛血旺- 牛柏葉加上豬紅，豬紅還有點點咬口，可惜辣味已令自已完全再食唔出其它味道了。
樟茶鴨- 自已最喜歡的一味，因為唔辣；而且外皮炸得好脆，好嫩唔韌又好入味，真係送酒的美食。
麻辣瀨尿蝦- 瀨尿蝦大大隻又多，新鮮又好味，價錢還平到笑，真係不可不試。
香辣蟹- 蟹一向唔多喜歡，因食得比較麻煩，所以也只有食了一點點。
巴蜀鯉魚- 鯉魚好新鮮，又好入味；怕太辣的我，也食了唔少，真少見。
香芹羊肉- 唔韌又唔羶，味道都煮得唔錯，喜歡食唔羶羊肉的人就一定會喜歡。
水煮魚- 沒有想象中辣，可能因食得太多辣，所以有點麻痹了的原因吧！魚還是鯉魚，新鮮煮起，當然新鮮嫩滑，又是一味不可多得的好菜。
火爆腰花- 自已唔多喜歡的一味，帶有一點點怪味，他們就說這是腰花的味道喎。
擔擔麵- 我們叫了唔辣、中辣和大辣，中辣就最好味，唔會太辣而搶去麵的味道；麵本身煮得都唔會太腍，唔錯。
羊肉炒飯- 可以因太多辣的食物，每樣都唔敢食得太多；所以這個飯，我就食了唔少；飯本身炒得幾香，再加上一點點羊肉的味道，都幾好食。
說真的，雖然對我來說都好辣，但味道又的確係唔錯；可惜地方好細，又沒有冷氣，現在凍凍還可以坐在街邊食；但如地方沒有改善，遲d再熱一點，就唔係幾食得過了。
又正如Fatman說的，新舖不為人知，相信遲d多人知道後，一定要等好久；想先睹為快的食家，真係要快d手來試試了；尤其是現在還涼涼的時候。
Post
