甘味讚岐手打烏冬 (Closed)

入左商場想食清少少，揀左呢間有烏冬同飯食嘅店，感覺可以清少少。叫左滑蛋雞柳撈烏冬、豚肉生薑燒二十穀飯、三文魚壽司同埋蟹籽沙律。三文魚壽司同蟹籽沙律係特價野，見佢都係十幾蚊所以先叫。三文魚壽司味道正常，無咩特別，特價係叫得過嘅。至於蟹籽沙律，其實我只係見到好多沙律醬，下面係一堆青瓜絲，佢嘅沙律醬真係可以少番d。滑蛋雞柳撈烏冬係熱嘅，親子丼嘅味道不過係烏冬版。雞肉都算多嘅，烏冬又唔會太淋，OK wor！烏冬吸左少少汁，味道唔錯。至於個豚肉生薑燒二十穀飯由於我地太肚餓嘅關係，幾下手勢已經食晒，相都無影到。味道係正常嘅。鋪頭算係坐得幾舒服，無咩心水都可以試下。