Video
Read full review
2019-09-02
500 views
今日繼續係長沙灣搵好嘢食，係某條橫巷搵到呢一間雲南米線特色小店，酸辣麻辣米線，街上都越開越多！所以唔夠有特色，都好輕易會被淘汰！今次想推介既呢間小店，店內位置雖然唔係好大，不過食好野係需要等待既！大概等左十分鐘，都好快有得入座！入正題！呢間小店特色除左有一如既往食開既湯米線/紅薯粉，可以揀唔同配菜，酸辣同麻辣，選擇辣度；特色之一就係撈！當然我今次就揀左我最愛既紅薯粉啦，值得一讚既係呢到既紅薯粉仲有分幼版同寬版，非常貼心！秘製醬汁撈紅薯粉（魚皮餃，13味雞肉，芝心丸）+豆漿$49今次挑選既係撈幼紅薯粉，揀左唔辣醬汁加三個配菜。價錢黎講，四十幾蚊包三款餸，都算正常價錢！撈紅薯粉真係第一次食，味道好入味，我覺得醬汁有小小似係韓國食到既炸醬麵味道咁，醬汁份量剛好，每一條紅薯粉都沾到濃厚味道！但我覺得醬汁其次，紅薯粉既麵質先係重點！！！麵質好q彈，有咬口，粗幼既厚度都恰到好處！整個味道好夾，所以十分推薦給撈紅薯粉愛好者！餸方面，魚皮餃同芝心丸都無特別啦，三款餸中，個人比較偏愛13味雞肉，雞肉微嫩，而雞肉好似有加入到7味粉，調味過所以更香口特別，下次也可以一試！
入正題！呢間小店特色除左有一如既往食開既湯米線/紅薯粉，可以揀唔同配菜，酸辣同麻辣，選擇辣度；特色之一就係撈！當然我今次就揀左我最愛既紅薯粉啦，值得一讚既係呢到既紅薯粉仲有分幼版同寬版，非常貼心！
秘製醬汁撈紅薯粉（魚皮餃，13味雞肉，芝心丸）+豆漿$49
今次挑選既係撈幼紅薯粉，揀左唔辣醬汁加三個配菜。價錢黎講，四十幾蚊包三款餸，都算正常價錢！撈紅薯粉真係第一次食，味道好入味，我覺得醬汁有小小似係韓國食到既炸醬麵味道咁，醬汁份量剛好，每一條紅薯粉都沾到濃厚味道！但我覺得醬汁其次，紅薯粉既麵質先係重點！！！麵質好q彈，有咬口，粗幼既厚度都恰到好處！整個味道好夾，所以十分推薦給撈紅薯粉愛好者！餸方面，魚皮餃同芝心丸都無特別啦，三款餸中，個人比較偏愛13味雞肉，雞肉微嫩，而雞肉好似有加入到7味粉，調味過所以更香口特別，下次也可以一試！
Post
