美心皇宮 (Closed)

每次o黎親飲茶都要勁排隊；週末就更加唔使講，最高記錄係等o左差不多個幾兩個鐘，真係得人驚！若果唔係有D親友指定要o黎呢度，一定唔會幫襯。不過話說回來，同區o既酒樓o黎講呢度D點心都算係幾有水準o既。至愛係黑芝麻卷同奶皇飽，整得唔錯。不過晚飯o既碟頭就好細(其實一般美心酒樓都係咁)，而且茶芥小費又多，食個二百幾蚊o既四人餐分分鍾要double找數！服務亦每況愈下！所以冇乜特別就真係唔好o黎同人迫lor。