Video
Read full review
2021-03-28
456 views
想食筲箕灣王林記，去開柴灣見有分店就去試下。我地落單叫雙拼店員話汁唔同唔可以一齊叫，要求另上又話唔得好奇怪諗唔明點解🤔，唔知係咪一個策略促使客人叫淨餸。另一枱客人又有同一情況，個客人躁躁地就可以另上，龍門任佢擺👀，唔清楚筲箕灣店有無呢個規定。講返野食，我叫左呢到招牌切腩同片頭撈粗，男友原本想叫冬菇同豬手撈粗，因為店員話唔同汁唔可以雙拼，無奈地最後叫左豬手撈粗同淨冬菇。撈粗不過不失，個人覺得可以再濃味d，豬手唔夠腍多骨少肉唔抵食，冬菇大隻厚肉但可惜亦係唔夠腍同入味，咁樣叫貴左又唔好食🙈。切腩半肥瘦帶筋切成薄薄一片好腍重牛味，無牙都食到，而片頭大塊有魚味口感彈牙，湯亦幾好飲，建議黎呢間食返佢地招牌切腩同片頭🤗
講返野食，我叫左呢到招牌切腩同片頭撈粗，男友原本想叫冬菇同豬手撈粗，因為店員話唔同汁唔可以雙拼，無奈地最後叫左豬手撈粗同淨冬菇。撈粗不過不失，個人覺得可以再濃味d，豬手唔夠腍多骨少肉唔抵食，冬菇大隻厚肉但可惜亦係唔夠腍同入味，咁樣叫貴左又唔好食🙈。
切腩半肥瘦帶筋切成薄薄一片好腍重牛味，無牙都食到，而片頭大塊有魚味口感彈牙，湯亦幾好飲，建議黎呢間食返佢地招牌切腩同片頭🤗
Post
