牛大人台灣火鍋吃到飽 (鱷魚恤中心)

Open Now

Now Closed

好耐冇去牛大人食火鍋，發現佢有個新套餐，係有日本黑毛和牛食，晚市食火鍋有120分鐘，依個套餐係任食日本黑毛和牛、伊比利亞黑毛豬梅肉、鮑魚盛宴，另外仲會有一次性次海鮮拼盤同和牛牛丸，我星期日19:30前離座，就每位$458，未食過就試吓呢個套餐🔸日本黑毛和牛係A4+級數，夠晒大片，入口即溶，鍾意食牛嘅一定好滿足，不過始終油脂比較多，我都只係食到三碟就已經好滿足🤩🔸呢個套餐包咗海鮮拼盤，今日拼盤有鮑魚、扇貝、蠔、蟶子，每款都好新鮮，款式都係大路受歡迎款🔸鮑魚盛宴，除咗有新鮮鮑魚可以無限任食之外，另外好特別地有三款鮑魚小食，古法醉鮑魚、炭燒鹽蔥鮑魚、柚子燒汁鮑魚！鮑魚好新鮮夠大隻夠彈牙，平時就火鍋食鮑魚比較多，今次依三款鮑魚小食都幾得意，完全唔同食法，個人比較鍾意柚子燒汁鮑魚，口味清新，味道比較特別🔸伊比利亞黑毛豬梅肉，切得夠晒大片，有唔少油脂，肉質幼嫩唔韌，所以唔食牛嘅朋友都唔使擔心，依款豬嘅質素唔錯都好啱食🔸和牛牛丸係套餐送既，其實嚟牛大人食開嘅，都好大機會試過佢和牛牛丸，口感好爽彈，夠晒爆汁🔸自助區嗰度都有唔少蔬菜款同埋丸類可以拎，我自己就好鍾意火鍋食皇帝菜，呢度啲菜好新鮮洗得都幾乾淨