金記冰室 (都會駅) (Closed)

今日和媽媽去了調景嶺，順便喺都會駅嘅金記冰室食嘢。上網見到金記冰室嘅食評都幾一面倒，同我之前食過一次嘅印象好大出入，但今日食完之後，發現其實都唔係人哋講到咁差啫。我和媽媽一人一個鐵板餐，仲要加咗杯紅豆冰，兩個都食得好滿足！🤩鐵板海陸空鐵板熱騰騰的上碟，可以選擇醬汁另外上。海陸空包括了豬扒、魚柳、雞全翼，份量好多！魚柳外皮香脆，魚柳肉清淡得來有少少魚香。雞全翼都十分香脆，食落好惹味！豬扒翼都夠軟腍，肉汁豐富。鐵板美式集扒以為鐵板海陸空嘅份量好多，點知呢個集扒嘅份量真係多到食唔晒！一份鐵板有齊牛扒、豬扒、雞扒、腸仔、煙肉，真係令人大滿足！特別想講嘅就係牛扒，個人認為必須要配搭黑椒汁😋！我和媽媽都選擇了鐵板配薯菜，大家都對香脆嘅薯格豎起大拇指👍🏻一個鐵板餐有餐湯、有飲品，都只係大約$100 ，覺得性價比都唔錯呢！