象泰宴

Open Now

Now Closed

最近都幾鍾意去處於置樂嘅呢間泰國餐廳！以泰式餐廳來講，通常裝修比較簡單，但呢間竟然有卡位，仲要裝飾得幾靚！坐得好舒服！今次叫咗三個下午茶餐，價錢幾平，性價比勁高！泰式船民湯河粉$38一般食船河，個湯底都偏鹹，但呢個係牛肉味好濃，食完唔會口乾，連啲河粉都充滿牛肉味，好正！雞柳炒金邊粉$38呢個粉外表好吸引，入面有超級多雞肉，好多配料，幾好味！香葉肉碎炒飯$38呢個飯配料比較少，但香料味好重，適合重口味人士，香口得來好正，不過單食個飯有少少單調，如果可以多少少肉碎就完美喇！